現年30歲的李蘊（Renee）於2003年被當年經理人Peter Chiu睇中，簽約成為輝皇娛樂旗下藝人，一直受公司力捧。直至2015年下嫁現任老公羅章冠榮升人妻兼跟隨對方到內地發展，並先後誕下一女一子湊成好字，Renee見一對仔女開始長大兼決定復出。靜極思動，12歲出道，到今年剛好18週年，一直對幕前演出非常熱忱的Renee，在眾多粉絲的支持下，決定飲水思源重投Peter Chiu旗下公司輝皇娛樂懷抱，並簽下1314（一生一世）長約。Peter由細到大一心一意栽培她，所以Renee希望一生一世都有Peter照顧及保護，能夠重新開展及開拓更多工作機會，為了配合娛樂工作未來將會中港兩邊工作。

去年緊急入院切除脊椎腫瘤的Renee被問到是否已康復？她說：「係啊！已經康復！覆診時醫生話傷口處埋得幾好！照X光裡面嘅螺絲位置都正確！不過醫生話我皮太薄無（冇）咩肉，隔住層皮都摸到螺絲！哈哈哈！」提到中港兩邊飛，會否擔心未能照顧子女？Renee完全不擔心：「其實廣州好近，直通車都只需兩個鐘車程，以前未有疫情，我都成日中港兩邊走，我媽咪幫忙照顧兩個小朋友，所以我好放心！」

Renee開心表示今次復出獲老公支持：「小朋友出世之後，我留在屋企做咗幾年全職媽媽，依家小朋友開始大，我有多啲時間做其他事，老公都好支持我做返我喜愛嘅嘢，例如唱歌拍戲，30歲，話大唔大，話細唔細，趁住仲有理想仲有活力，應該繼續充實自己！只係老公平時比較低調，哈哈！」另外，與鄧紫棋及何超蓮成閨蜜的Renee問到會否邀請鄧紫棋合唱作復出頭炮？她說：「三姐妹各有各忙，同埋佢地主要市場都在內地，好開心見到佢地做得好好，我呢位人母都要努力先做好自己，做個好榜樣！」

_{內文轉載: 香港01}